Сүрьеэгийн тусламж үйлчилгээг эрчимжүүлэх ажлын хэсгийн анхны хурал боллоо

"Сүрьеэгийн тусламж үйлчилгээг эрчимжүүлэх, Сүрьеэгийн хөтөлбөрийн үйл ажиллагаа, гүйцэтгэлийг сайжруулах ойрын болон хэтийн төлөвлөгөөг боловсруулах хэрэгжилтийг хангах” хүрээнд ажлын хэсгийн анхны хурлыг хийлээ.

Тус хуралд Эрүүл мэндийн сайдын зөвлөх О.Батбаяр, Эрүүл мэндийн яамны Нийтийн эрүүл мэндийн газрын дарга Д.Баярболд, ХӨСҮТ-ийн ерөнхий захирал Ц.Билэгтсайхан, бусад байгууллагын төлөөлөл нийт 30 гаруй эмч мэргэжилтнүүд оролцлоо.

ХӨСҮТ-өөс Сүрьеэгийн өвчлөлийн нөхцөл байдал, тулгамдаж буй асуудал, Сүрьеэгийн хөтөлбөрийн хамтарсан үнэлгээ, анхаарах асуудлаар илтгэлүүдийг хэлэлцүүлж, оролцогчид саналаа солилцож, сүрьеэгийн чиглэлээр цаашдын ойрын болон хэтийн төлөвлөгөөг боловсруулах чиглэл, анхаарах асуудал, ажиллах хуваарийг хэлэлцэж тохиролцов.