Сүүлийн 10 жилийн дотор газар хөдлөлтийн чичирхийлэл 5 дахин нэмэгджээ

"Агаарын бохирдлыг бууруулах" сан байгуулдаг шиг, "Газар хөдлөлтийн гамшгаас урьдчилан сэргийлэх" сан бий болгох хэрэгтэй байна гэж Газар зохион байгуулалт, геодези зураг зүйн газрын дарга Ц.Ганхүү хэллээ.

Учир нь сүүлийн 10 жилийн дотор газар хөдлөлтийн чичирхийлэл 5 дахин нэмэгдсэн. Гэвч газар хөдлөлтөөс урьдчилан сэргийлэхэд зарцуулах төсөв мөнгө алга байна. Ганцхан жишээ дурдахад сансрын станцаар дамжуулан газар хөдлөлтийн мэдээлэл авдаг 38 станц манай улсад байдаг. Гэтэл Азийн Япон, Солонгос зэрэг оронд 1500 гаруй ийм станц бий гэж тэрбээр ярилаа.