Тайшир суманд 75 хүүхдийн багтаамжтай цэцэрлэг баригджээ
Шинэ байр ашиглалтанд орсоноор харьяалал бүхий сургуулийн өмнөх насны хүүхдүүд төрөлх сумандаа тохилог орчинд хөгжих суралцах сонирхолтой болж үүнийгээ дагаад хөдөөгөөс төврүү чиглэсэн шилжилт хөдөлгөөн саарах давуу талтай юм.
Мэдээллийн алба
Говь-Алтай аймгийн Тайшир суманд энэ онд бүтээн байгуулалт багагүй өрнөж байна. 75 хүүхдийн багтаамжтай цэцэрлэгийн барилгыг ашиглалтад оруулж, сургуулийн дотуур байрны их засварыг хийхээс гадна аймагтайгаа холбогдсон сайжруулсан шороон замтай болсон байна.
Хүүхдийн цэцэрлэг нь он дамжин баригдаж байгаа бөгөөд нийтдээ 175 сая төгрөгний хөрөнгө оруулалттайгаар Шадар туслагч компани гүйцэтгэж байгаа юм. Орчин үеийн шийдэл бүхий ариун цэврийн өрөөтэй, хүүхдийн сурч боловсрох орчныг бүрэн бүрдүүлжээ.
Шинэ байр ашиглалтанд орсоноор харьяалал бүхий сургуулийн өмнөх насны хүүхдүүд төрөлх сумандаа тохилог орчинд хөгжих суралцах сонирхолтой болж үүнийгээ дагаад хөдөөгөөс төврүү чиглэсэн шилжилт хөдөлгөөн саарах давуу талтай юм.
Тайшир сум бол Говь-Алтай аймгийн үндсэн түшиц сум юм. Цахилгаан үйлдвэрлэл, цэвэр усны хэрэгцээг үндсэндээ хангаж байгаа. Иймээс төрийн ажил үйлчилгээг ард иргэддээ тэгш хүртээмжтэй хүргэх, сахилга хариуцлагатай, аймгийн тэргүүлэх сум болохыг зорьж олон ажлуудыг төлөвлөсөн байна.
