Таксинууд өнөөдрөөс нэгдүгээр эгнээгээр зорчино

Автозамын нэгдүгээр эгнээгээр өнөөдрөөс стандартын шаардлага хангасан таксинууд зорчиж эхэлнэ. Тодруулбал, Замын цагдаагийн газрын хяналтын камерт бүртгэгдсэн, такси үйлчилгээ эрхэлдэг 15 компанийн 579 такси нэгдүгээр эгнээгээр зорчих эрхтэй бөгөөд таксины өнгө үзэмж, стандартын шаардлагад нийслэлийн Тээврийн газар хяналт тавин ажиллах бөгөөд зорчигчийн гараа өргөсөн газар бүрээс хүн авахгүй байх талаар зохицуулалт хийж эхэлжээ.