Таван автомашин өвс шатжээ

Завхан аймгийн Тэлмэн сумын "Өвөгдий" багийн иргэний хашаанд хураалттай байсан таван автомашин задгай өвс шатжээ. Шатсан өвсийг газар авахуулалгүй унтраахад орон нутгийн 80-аад иргэн гурван цаг гаруйн хугацаанд ажиллаж, бүрэн унтрааж чадсан байна. Энэ талаар Тэлмэн сумын байгаль орчны байцаагч н.Гантөмөр аймгийн Онцгой байдлын газарт мэдэгдсэн байна.