Таван хүүхдийг дайрч гэмтээжээ

Төв аймгийн 90 жилийн ойн баяр наадмын үеэр гэртээ амарч байсан таван хүүхдийг дайрсан ноцтой хэрэг гарлаа. УБЯ 97-78 улсын дугаартай хар өнгийн машин тус гэрийг дайрсан бөгөөд ослын улмаас тэдгээр хурдан морь унаач таван хүүхдийн дөрөв нь бэртэж, ГССҮТ-д хүргэгдсэн байна.

Эх сурвалжийн мэдээлж буйгаар ГССҮТ-д хүргэгдсэн хүүхдүүдийн нэгнийх нь биеийн байдал маш хүнд байгаа аж. Уг хэргийг аймгийн цагдаагийн хэлтэс шалгаж эхэлжээ.