Тавдугаар сараас зөвхөн боловсруулсан түлш түлнэ

Ирэх тавдугаар сараас Улаанбаатар хотод сайжруулсан түлш борлуулахтай холбоотой 4000 гаруй хүн зохион байгуулалттай ажиллана гэж хотын захиргаанаас мэдээллээ.

Эрчим хүч үйлдвэрлэх тусгай зөвшөөрөлтэй аж ахуйн нэгжүүдээс бусад иргэн аж ахуйн нэгжүүд түүхий нүүрс хэрэглэхгүй. Зөвхөн боловсруулсан түлш хэрэглэх юм. Засгийн газрын уг тогтоолыг хэрэгжүүлэх бэлтгэл ажлыг хангах үүргийг жилийн өмнө Нийслэлд өгсөн. Энэ хүрээнд ямар ажил хийгдэж байгааг Нийслэлийн Засаг дарга С.Амарсайханаас тодрууллаа.