Триатлоны дасгалжуулагчдын олон улсын сургалт эхэллээ

ОУОХ-ны Олимпын эв санааны нэгдлийн хөтөлбөрийн хүрээнд триатлоны дасгалжуулагчид олон улсын нэгдүгээр зэрэглэлийн сургалтад хамрагдаж байна.

Сургалтын нээлтийн ёслол Олимпик хауст зохион байгуулагдаж, МҮОХ-ны Тэргүүн дэд ерөнхийлөгч Ч.Наранбаатар нийт оролцогчдод амжилт хүслээ.

Манай улсын 14 дасгалжуулагч хамрагдаж буй энэ удаагийн сургалт 6 хоногийн турш үргэлжлэх бөгөөд Дэлхийн триатлоны холбооны эксперт Энтони Лозадо (Филиппин), Франц Студер (Өмнөд Африк/Швейцар) нар удирдаж байна.

Эх сурвалж: Монголын Үндэсний Олимпын Хороо