Цагдаа нар живж байсан хүнийг аварчээ
Тэд гол орчмоор явж байх үеэрээ хүний орилох дууг сонсон гол руу орж живж байсан иргэнийг татаж гаргасан байна.
Мэдээллийн алба
Ажил үүргээ гүйцэтгэж байсан цагдаагийн хоёр алба хаагч Хэрлэн голд живж байсан иргэний амийг аварчээ.
Тодруулбал, энэ сарын 25-ны өдрийн 12:00 цагийн орчимд Хэнтий аймаг дахь цагдаагийн газрын Бор-Өндөр сумын Сум дундын цагдаагийн хэлтсийн Нийтийн хэв журам хамгаалах хэсгийн хамгаалалтын цагдаа, цагдаагийн дэд ахлагч Н.Анхбаяр, жижүүрийн цагдаа, цагдаагийн дэд ахлагч Д.Энхбат нар "Их хурд-9" наадмын хамгаалалтад үүрэг гүйцэтгэн буцах үедээ Сүхбаатар аймгийн Мөнххаан сумын иргэн Т- г Хэрлэн голд хөл алдан живж байсныг нь харж шуурхай ажиллан уснаас гаргаж анхны тусламж үзүүлжээ.
Тэд гол орчмоор явж байх үеэрээ хүний орилох дууг сонсон гол руу орж живж байсан иргэнийг татаж гаргасан байна.
