Цагдаагийн алба хаагчид цол нэмлээ

Бүгд найрамдах улс тунхагласны 92 жилийн ойг тохиолдуулан эрхэлсэн ажилдаа идэвх зүтгэл, үр бүтээл гарган ажиллаж байгаа цагдаагийн алба хаагчдад цол шагналаа.

Цагдаагийн дэд хурандаа цолоор Гадаад харилцааны хэлтсийн дарга Н.Баясгалан, Санхүү, хангамжийн газрын Санхүүгийн хэлтсийн ахлах нягтлан бодогч Г.Даваахүү, Мөрдөн байцаах газрын Онц хүнд гэмт хэрэг мөрдөх хэлтсийн ахлах мөрдөн байцаагч Н.Баттөмөр нарыг шагнасан юм.

Цагдаагийн хошууч цолоор 18 хүн шагнагдсанаас ЦЕГ-ын Хүний нөөц, сургалтын хэлтсийн ахлах мэргэжилтэн, цагдаагийн ахмад А.Гомбодорж, Хэвлэл мэдээллийн төвийн ахлах мэргэжилтэн, цагдаагийн ахмад Ё.Лхагвасүрэн нар хугацааны өмнө цагдаагийн хошууч цол хүртлээ. Энэ өдөр 232 цагдаагийн алба хаагч цол нэмэв.