Цагдаагийн албан хаагчдын хоолны зардлыг нэмэгдүүллээ

Цагдаагийн байгууллагыг шинэчилж, бүтэц зохион байгуулалтыг боловсронгуй болгох, орон тоог нэмэгдүүлэх, алба хаагчдын ажиллах нөхцөл нийгмийн асуудлыг шийдвэрлэх зэрэгт өөрчлөлт оруулж байна. Төв орон нутгийн цагдаа, дотоодын цэргийн байгууллагад 24 цагаар үүрэг гүйцэтгэдэг, өндөржүүлсэн бэлэн байдлын үед болон албаны нэгдсэн сургалтад хамрагддаг алба хаагчдад, тусгай ажиллагааны газар болон Дотоодын цэргийн 809 дүгээр тусгай салбарын бэлэн байдлын бүлэгт 24 цагаар үүрэг гүйцэтгэдэг албан хаагчдын хоногийн хоолны зардлыг 56-150 хувиар нэмэгдүүллээ.