Цайрсан шоколадыг идэж болох уу

Шоколадыг хадгалах горимыг зөрчиж удаан хадгалснаас чийгээ алдаж, агуулагдах сахар нь талсжиж гадаргуу дээр цайрч харагдах, эсвэл агуулагдах какао тос шоколадны гадаргуу дээр ялгарч цайрдаг.

Хугацаа нь дуусаагүй үед энэ хоёр нь нэг их айгаад байх зүйл биш боловч, нэгэнт хадгалалтын горим алдагдсанаас ингэж байгаа тул тосны исэлдэлт, микроб үржсэнээс нүүрсус, уургийн задрал явагдсан байж болзошгүй тул хэрэглэхгүй байх нь зөв.

Хадгалах хугацааг угаасаа л үйлдвэрлэгчид нь туршилт хийж тавьдаг тул дууссан ч хэрэглэж болно гэх ойлголтыг тархинаасаа гаргаад хаячих хэрэгтэй.

Хүнсний инженер О.Гал-Очир