“Цахим эрүүл мэнд төсөл”-ийн бэлтгэл ажлыг хийж байна

Ирэх оноос иргэд Эрүүл мэндийн дэвтэр, Амбулаторийн карт авч явалгүйгээр эмнэлэгт үзүүлж эмчилгээ, үйлчилгээ авдаг болно. Тухайн өвчтөн хэзээ, хаана, ямар эмнэлэгт хэдэн удаа ямар эмчилгээ хийлгэсэн талаарх мэдээллийг тухай бүрт нь цахим системд бүртгэдэг болох юм.

2020 оны 10 дугаар сар гэхэд бүрэн хэрэгжих “Цахим эрүүл мэнд төсөл”-ийн бэлтгэл ажлыг энэ онд хийхээр Дэлхийн банкны санхүүжилтээр эхлүүлээд байна. Уг төслийн нийт өртөг нь 19.5 сая ам.доллар юм байна. Энэ тухай “Цахим эрүүл мэнд төсөл”-ийн зохицуулагч н.Энхболдоос тодрууллаа.