Цасан шуурганаас ингэж сэргийлээрэй

Цаг уурын байгууллагаас гаргаж байгаа анхааруулга, сэрэмжлүүлэг болон урьдчилан сэргийлэх мэдээнүүдийг цаг алдалгүй хүлээн авч, заавар зөвлөмжийг биелүүлж өөрийн болон бусдын аюулгүй байдлыг хангаарай.

Аюултай үзэгдлийн үед хүүхэд, жирэмсэн эх, өндөр настан, өвчтэй, хөгжлийн бэрхшээлтэй хүмүүсийг хараа хяналтдаа байлгах, гэр, орон байрны даруулга, татлагыг сайтар шалгаж аюулгүй байдлыг нь хангаарай.

Шаардлагагүй бол гадагшаа гарахгүй байхыг хичээгээрэй.

Малыг хоргодох газар руу шилжүүлж, нэмэлт тэжээл өгөх, мөн усны нөөцтэй байлгах шаардлагатай.

Өвлийн улиралд холын замд автомашинтай гарахаас өмнө бүх шингэний түвшин бүрэн дүүрэн байгаа эсэхийг шалгаж, гэрлүүд, агааржуулагч, шил арчигч хэвийн ажиллаж байгаа эсэхийг шалгана. Ганцаараа холын замд гарахгүй байхыг хичээгээрэй.

Эх сурвалж: Төв аймгийн ОБГ