Цөмийн энергийн чиглэлээр ОХУ-д суралцана

Монгол Улсын Засгийн газрын тохируулагч агентлаг Цөмийн энергийн газар, ОХУ-ын "Росатом" улсын корпораци хооронд мэргэжилтэн бэлтгэх тухай хамтын ажиллагааны "Харилцан ойлголцлын санамж бичиг" үйлдсэн. Үүний дагуу цацраг идэвхт ашигт малтмал болон цөмийн энергийн чиглэлээр ОХУ-д 2014 оноос эхлэн суралцах оюутны сонгон шалгаруулалтыг зохион байгуулж байна. Шалгаруулалтад цөмийн технологи, цөмийн физик, цөмийн эрчим хүч, физик, хими, байгаль шинжлэл, геологи, гидрогеологи, уул уурхай, эрчим хүч, инженерийн мэргэжлээр суралцаж байгаа нэг, хоёрдугаар ангийн оюутан оролцох юм.