Төгрөгийн ханш огцом сулрахгүй

Энэ онд төгрөгийн ханш санаа зовох хэмжээнд хүрч сулраагүй. Цаашид огцом сулрахгүй гэж эдийн засагчид, мөн Монголбанк мэдэгдэж байна. Өнөөдөр болсон "Санхүүгийн зах зээл шийдэл, үр дүн" хэлэлцүүлгээс "Хурд" агентлаг дараах мэдээллийг бэлтгэлээ.

Монгол Улсын валютын нөөц 6-8 сарын импорттой тэнцэх хэмжээнд буюу 3 тэрбум 400 сая ам.доллар байна. Хэдийгээр өнгөрсөн 6 жилд анх удаа ийм хэмжээний нөөц бүрдүүлээд байгаа ч хангалттай нөөц биш гэж Монголбанк үзэж байна. Үндэсний аюулгүй байдлын зөвлөл Монгол Улсын нэг жилийн импортыг хангах валютын нөөц бүрдүүлэхээр заасан байдаг.