Түймэрт 25 малчин өрхийн 16 орчим гэр, сууц, 20 хашаа хороо, 1000 орчим мал өртжээ
Тэр дундаа Чойбалсан сумын нутаг их өртөж, хамгийн их хохирол амссан байна. Мөн түймрийн голомтод ажиллаж байсан Хил хамгаалах газрын албан хаагчид түлэгдэж, Улаанбаатар хотод эмчлүүлж байна.
Мэдээллийн алба
Дорнод аймгийн Чойбалсан сумын Энгэр шанд багийн "Хавирга гоожуурын худаг” гэдэг газар энэ сарын 1-нд хээрийн түймэр гарсан билээ.
Түймэр нийт Чойбалсан сум, Гурванзагал, Чулуунхороот сумыг хамарсан. Түймрийг унтаараахад 193 хүн, 27 автомашинтай ажиллажээ. Түймэрт 25 малчин өрхийн 16 орчим гэр, сууц, 20 хашаа хороо, 1000 орчим мал өртсөн.
Тэр дундаа Чойбалсан сумын нутаг их өртөж, хамгийн их хохирол амссан байна. Мөн түймрийн голомтод ажиллаж байсан Хил хамгаалах газрын албан хаагчид түлэгдэж, Улаанбаатар хотод эмчлүүлж байна.
Дорнод аймгийн нийт нутгаар хуурайшилт их байна. Энэ хавар 24 удаагийн ой, хээрийн түймэр гарсан. Түймрийн хохирлыг тогтоох ажлын багууд тухайн газар оронд ажиллаж байгаа юм. Тухайлбал, Халхгол сумын нутгийн дийлэнхийг хамарсан томоохон түймэрт 3200 толгой мал шатаж, олон айл гэр орон, хашаа саравчгүй болжээ.
