Түргэн үйлчилгээний цэгүүдийг буулгав

Иргэдийг эрүүл, ая тухтай таатай орчинд амьдрах нөхцөлөөр хангах үүднээс автобусны буудал дээр зөвшөөрөлгүй байрлуулсан түргэн үйлчилгээний цэгүүдийг буулгах ажил 2018 оны 08 дугаар сарын 02-ны өдрөөс эхэлсэн.

Тухайлбал дүүргийн хэмжээнд 7 байршилд автобусны буудлын зогсоолын цогц байгууламжийг угсрах ажил эхлэх гэж байгаа. Иймд БЗД-ийн ЗДТГ-ын Хүнс, худалдаа үйлчилгээний хэлтэс, Газрын харилцааны алба, Цагдаагийн 2 дугаар хэлтэс хамтран тус дүүргийн нутаг дэвсгэрт хууль бусаар үйл ажиллагаа явуулж буй түргэн үйлчилгээний цэгүүдийг албадан буулгав.

Тодруулбал, Сансарын ШТС-ын хойд автобусны буудлын зогсоол дээр үйл ажиллагаа явуулж байсан 8 ТҮЦ-ийг, Сансарын ШТС-ын урд талын 7 ТҮЦ-ийг нүүлгэлээ. Харин Монголын худалдаачдын холбооны гишүүн нэг ТҮЦ-ний эзэн бусдын эрх ашгийг зөрчин, нүүлгэлтийн ажилд санаатайгаар саад учруулж байгаа аж.