Төрийн цэргийн болон хууль сахиулахын бүрэлдэхүүн жагсаалын бэлтгэлээ хангаж байна
Энэ жилийн цэргийн ёслолын жагсаалд оролцох төрийн цэргийн болон хууль сахиулах байгууллагын бүрэлдэхүүн өдөр бүр 3-4 цагаар бэлтгэлээ хангаж байгаа аж.
Мэдээллийн алба
Монгол төрийн бэлгэ тэмдэг болсон Төрийн далбаандаа хүндэтгэлтэй хандах, түүхт ёс, түүхэн уламжлалаа нандигнан өвлөх, үндэсний эв нэгдлийг бэхжүүлэх зорилгоор төрийн далбааны өдөртэй болох хуулийг 2008 онд УИХ-ын гишүүн С.Бямбацогт, Ж.Сүхбаатар, Ц.Дашдорж нар санаачлан батлуулсан. Ийн Төрийн далбааны өдрийг жил бүрийн долдугаар сарын 10-нд, улсын баяр наадмын өмнөх өдөр тэмдэглэж байхаар хуульчилж, 2009 оноос эхлэн тэмдэглэдэг болсон билээ.
Түүнчлэн Монгол Улсын Төрийн далбааны өдөрт зориулсан цэргийн ёслолын жагсаал жил бүрийн долоодугаар сарын 10-ны өдөр их жанжин Д.Сүхбаатарын талбайд болдог. Энэ жилийн цэргийн ёслолын жагсаалд оролцох төрийн цэргийн болон хууль сахиулах байгууллагын бүрэлдэхүүн өдөр бүр 3-4 цагаар бэлтгэлээ хангаж байгаа аж. Мөн жагсаалын бэлтгэлийг ЗХЖШ-ын Ажиллагааны удирдлагын газрынхан зохион байгуулж байна.
