Төсөл хэрэгжүүлэх нэгж байгуулах тухай хэлэлцэнэ

Нийслэлийн ИТХ-ын Тэргүүлэгчдийн энэ оны анхны хуралдаан 1 сарын 17-ны өдөр болж бага дунд боловсролын сургуулийн барилга, өргөтгөлийг нийслэлийн өмчид бүртгэх тухай, БГД-ийн 35 ортой хүүхдийн эмнэлэгийг нийслэлийн өмчид бүртгэх тухай, Улаанбаатар-Орон сууц сангийн зөвлөлийн бүрэлдэхүүнийг батлах тухай зэрэг асуудлыг хэлэлцэх юм.

Мөн нийслэлийн хэмжээнд анх удаа зохион байгуулсан нийтийн эзэмшлийн зориулалттай өмчийн эд хөрөнгийн үзлэг тооллогын нэгдсэн дүн мэдээг НИТХ-ын тэргүүлэгчдийн хуралдаанд танилцуулахаар болжээ. Түүнчлэн Азийн хөгжлийн банкны санхүүжилт, дэмжлэгээр 20 жилийн хугацаанд хэрэгжүүлэхээр төлөвлөж байгаа Баянхошуу, Сэлбэ дэд төвийн төсөл хэрэгжүүлэх нэгжийг байгуулах тухай асуудлыг хуралдаанаар хэлэлцэх юм.