Төсвийн хөрөнгө оруулалтын гүйлгээг бүрэн автоматжууллаа

Сангийн яам "Төсвийн хөрөнгө оруулалтын төлөвлөлт, санхүүжилт"-ийн үйл ажиллагааг ил тод, нээлттэй байлгах, техник ажиллагааг бууруулахаар ажиллаж байна.

Энэ удаад төсвийн хөрөнгө оруулалтын гүйлгээг бүрэн автоматжууллаа. Ингэснээр өмнө нь гүйцэтгэлийн санхүүжилт гүйцэтгэгч байгууллагын данс руу 7-14 хоногт шилждэг байсан бол гүйлгээг бүрэн автоматжуулснаар дунджаар 20-30 минутад гүйлгээ шилждэг боллоо гэж Сангийн яамнаас мэдээллээ.