Төсвийн мөнгөөр урлагийн тоглолт зохион байгуулахыг хориглолоо

Баяр ёслолын үеэр төсвийн хөрөнгө хэмнэх талаар төрийн болон төсвийн байгууллагуудад Засгийн газраас тодорхой чиглэл өгсний дүнд сүүлийн жилүүдэд төрийн албан хаагчид хувийнхаа зардлаар шинэ жилийн баяраа тэмдэглэдэг болсон.

Энэ онд ч мөн шинэ жилийн баяраар төсвийн мөнгөөр ил захидал хэвлүүлэх, бэлэг солилцох, урлагийн тоглолт зохион байгуулах, өндөр үнэтэй эд зүйлсээр сугалаат тоглоом явуулах, согтууруулах ундаа худалдан авахаас татгалзахыг даалгасан байна.

Энэ талаар өчигдөр болсон Засгийн газрын ээлжит хуралдааны үеэр яригдаж, төсвийн ерөнхийлөн захирагчдад үүрэг болгожээ.