ТҮЦ машинаас тээврийн хэрэгслийн лавлагаа авах боломжийг бүрдүүлнэ

Жил бүр импортоор орж ирж буй автомашины тоо нэмэгдэж байна. 2016 онд 44257 автомашинд Тээврийн хэрэгслийн бүртгэлийн хэлтсээс улсын дугаар олгож байсан бол энэ оны аравдугаар сарын 27-ны байдлаар 56530 тээврийн хэрэгслийг шинээр бүртгэсэн байна.

Өдөрт 1000-1200 орчим тээврийн хэрэгслийн шилжилт хөдөлгөөний өөрчлөлт хийж байгаа ачааллыг бууруулахын тулд ирэх сараас иргэдэд Төрийн үйлчилгээний цахим ТҮЦ машинаас тээврийн хэрэгслийн лавлагааг авах боломжийг бүрдүүлэх аж.

Ингэснээр өдөрт лавлагаа авахаар хандаж буй иргэд, байгууллагын ажлыг хөнгөвчилнө гэж үзэж байна.