Туялзуур сэлэмний ААШТ-д оролцох тамирчид БНСУ-ыг зорилоо

Сүүлийн хоёр жилийн хугацаанд завсарлаад байсан туялзуур сэлэмний Азийн аварга шалгаруулах тэмцээн 2022 оны 6 дугаар сарын 9-16-нд БНСУ-ын Сөүл хотноо зохион байгуулагдах гэж байна.

Энэ удаагийн Ази тивийн аварга шалгаруулах тэмцээний эрэгтэй ганцаарчилсан төрөлд Монгол Улсаа төлөөлөн “Алтан дорнод Монгол” компанийн тамирчин, спортын мастер Э. Дөлгөөн (УБ Фенсинг клуб), эмэгтэй ганцаарчилсан төрөлд спортын мастер З.Хишигдэлгэр (Дуэль клуб), спортын дэд мастер О.Золбоо (Дуэль клуб) нар оролцохоор өнөөдөр эх орноосоо мордлоо.