Ө.Энхтүвшин намын даргаасаа огцрох уу?

Ардын намын Бага хурал эхэлж, хурал даргалагчаар УИХ-ын гишүүн Д.Лүндээжанцан, Бага хурлын гишүүн Н.Амарзаяа нарыг сонгосон байна. Тус хуралд УИХ-ын гишүүн Сү.Батболд, Бага хурлын гишүүн С.Баяр нар хүрэлцэн ирсэн юм.

Тус хурал Ардын намын дарга Ө.Энхтүвшин улс төрийн илтгэл тавьснаар эхэлсэн бөгөөд тэрээр ямар ч хариуцлагыг хүлээхэд бэлэн гэдгээ энэ үеэрээ мэдэгдлээ.

Энхтүвшин Удирдах зөвлөлийнхөө хуралдааны үеэр намынхаа даргаас огцрох хүсэлтэй байгаагаа илэрхийлсэн ч Удирдах зөвлөлийн гишүүд үүнийг нь хүлээн зөвшөөрөөгүй байна. Одоогийн байдлаар “Шинэчилье” хөдөлгөөний ерөнхий зохицуулагч, УИХ-ын гишүүн Ж.Эрдэнэбат илтгэл тавьж байна.