Үдийн цайны цагаар ч нийгмийн даатгалын үйлчилгээ үзүүлж байна

Иргэд, даатгуулагчдад нийгмийн даатгалын үйлчилгээг чирэгдэлгүй, шуурхай, тасралтгүй хүргэх зорилгоор Нийгмийн даатгалын ерөнхий газрын даргын шийдвэрээр аймаг, дүүргийн Нийгмийн даатгалын хэлтсүүд 2018 оны хоёрдугаар сарын 1-ний өдрөөс эхлэн үдийн цайны завсарлагаагүйгээр нийгмийн даатгалын үйлчилгээг үзүүлж байна.

Ажлын өдрүүдэд иргэд ихэвчлэн үдийн цайны цагаар хувийн ажлаа зохицуулдаг юм. Дээрх шийдвэр нь цаг зав муутай иргэдэд төрийн үйлчилгээг тасралтгүй, түргэн шуурхай хүргэхэд чухал алхам болжээ.