Үерийн аюулаас сэрэмжлээрэй
Хөвсгөлийн уулсаас эхтэй Дэлгэрмөрөн, Эг, Үүр, Шишхэд, Хэнтий нурууны баруун хажуугийн Хүдэр, Ерөө, Туул, зүүн хажуугийн Барх, Эг, Балж, Хэрлэн голын дунд хэсэг болон Хангай нурууны Орхон, Увс нуурын савын Түргэн зэрэг
Мэдээллийн алба
Ойрын өдрүүдэд хур бороо элбэг байна. Хөвсгөлийн уулсаас эхтэй Дэлгэрмөрөн, Эг, Үүр, Шишхэд, Хэнтий нурууны баруун хажуугийн Хүдэр, Ерөө, Туул, зүүн хажуугийн Барх, Эг, Балж, Хэрлэн голын дунд хэсэг болон Хангай нурууны Орхон, Увс нуурын савын Түргэн зэрэг голын усны түвшин өмнөх өдрөөс 10-55 см нэмэгдэж, Чигж, Хархираа, Хариг, Баруунтуруун, Бэлтэс, Балж, Ховд, Буянт, Хэрлэн голын эхээр үерийн түвшинг 5-40 см, Ховд гол Мянгад сум орчимд үерийн аюултай түвшинг 30 см даван тус тус үерлэж байна.
Жижиг гол хуурай сайраар уруйн үер буух, гол мөрний усны түвшин богино хугацаанд огцом өсөж үерлэх магадлал өндөр тул хот суурин газрын үерийн далангаар ус чөлөөтэй урсах нөхцөлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна.
Түүнчлэн дээр дурдсан голууд болон гол мөрний дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байхыг онцгойлон анхааруулж байна.
