УИХ-ын гишүүн Н.Оюундарь БНХАУ-ын бизнесийн төлөөлөгчдийг хүлээн авч уулзлаа

Улсын Их Хурлын гишүүн Н.Оюундарь өнөөдөр (2017.09.07) БНХАУ-ын Жөзян мужийн Ханжоу хотын бизнесийн төлөөлөгчдийг хүлээн авч уулзлаа. Уулзалтын эхэнд Улсын Их Хурлын гишүүн Н.Оюундарь Монгол Улсын эдийн засгийн өнөөгийн байдлын талаар товч мэдээлэл хийгээд, хөрөнгө оруулалтын чиглэлээр хамтран ажиллах үүд хаалга нээлттэйг хэлэв.

Уулзалтаар талууд эрчим хүч, барилга, мал аж ахуйн салбарт хөрөнгө оруулах боломжийн талаар санал солилцон, хоёр улсын хувийн хэвшлийн байгууллагуудыг холбох чиглэлд цаашид хамтран ажиллахаар тохиролцлоо.