Ухаалаг чихэвч 299 ам.долларын үнэтэй

Muzik бренд ухаалаг чихэвчний цуврал гаргах болсон тухайгаа албан ёсоор мэдээллээ. Уг чихэвч нь wireless-ээр холбогдон сонсож буй дуугаа фейсбүүк болон твиттертээ шейр хийх боломжтойгоороо онцлог гэнэ.

Мөн ижил төрлийн чихэвч бүхий хэрэглэгч рүү дуу илгээж, бас хүлээн авах хүчин чадалтай аж. Чихэвчний чихэнд хүрдэг хэсэгт нь дулаан мэдрэгч байрлуулсан тул та чихэвчээ авангуут л автоматаар таны сонсож байсан дуу зогсоно.

Энэхүү чихэвчийг энэ оны сүүлчээр худалдаанд гаргах ба 299 ам.долларын үнэтэй байх юм байна.