"Ухаантай" хайруулын таваг

Уг хайруулын таваг нь ишиндээ Bluetooth бүхий бичил төхөөрөмж суурилуулсан ба тусгай арр-ыг нь гар утсандаа суулгаснаар хайруулын тавагтайгаа холбогдоно.

"Pantelligent" нэртэй арр дээр нь төрөл бүрийн хоолны жорууд байх ба уг жорын дагуу хайруулын тавгандаа хоолоо хийх үед халж буй температур, шарах хугацаа зэргийг гар утаснаасаа хянаж, хоолоо түлэлгүй, түүхийрүүлэлгүй хийж болох юм.

Гар утсан дахь арр тань хайруулын тавган дээр хоол хийх жорыг бүрэн зааж өгөх ба хоолоо хутгах эргүүлэх болсныг хэлж өгөх, галаа хэдий хэмжээгээр ихэсгэх, багасгахыг харуулах зэрэг олон давуу талтай аж.