“Улаанбаатар хотын Хөгжлийн корпораци” ХК – ийн дүрмийн төслийг боловсруулна

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Ажлын хэсэг байгуулах тухай” А/209 дүгээр захирамж гаргаж, шинээр байгуулагдахаар төлөвлөж буй “Улаанбаатар хотын Хөгжлийн корпораци” ХК-ийн дүрмийн төслийг шинэчлэн боловсруулах ажлын хэсгийг баталлаа.

Ажлын хэсгийн ахлагчаар нийслэлийн Засаг даргын Санхүү, эдийн засгийн асуудал хариуцсан орлогч Н.Батаа ажиллана. “Улаанбаатар хотын Хөгжлийн корпораци” ХК-ийн дүрмийн төслийг 2015 оны дөрөвдүгээр сард багтаан эцэслэн боловсруулж НИТХ-ын Тэргүүлэгчдийн хуралд танилцуулахыг Ажлын хэсэгт даалгалаа.