"Улаанбаатар такси" компанийн 300 орчим машиныг өнөөдрөөс эргүүлд гаргана

Шөнийн эргүүлд явдаг 68 авто машин эргүүл хийж амжихгүй байна. Орой 19 цагаас үүрийн 03 цагийн хооронд 1000 гаруй дуудлага цагдаагийн 102 дугаарт ирдэг.

Иймээс дуудлагаас дуудлагын хооронд эдгээр авто машин, хүн хүч явчихдаг. Энэ орон зайг нөхөх зорилгоор өнөөдрөөс эхлэн "Улаанбаатар такси" компанийн 300 орчим машиныг эргүүлд гаргахаар боллоо.

Ингэхдээ жолооч аливаа гэмт хэрэг, зөрчлийг шууд мэдээлэх үүрэг хүлээнэ гэж Нийслэлийн цагдаагийн газрын Урьдчилан сэргийлэх хэлтсийн дарга, дэд хурандаа Л.Амармөрөн ярилаа.