Улаанбаатар төмөр зам “1000 машины зогсоол”-ын үйл ажиллагааг хязгаарлажээ

Улаанбаатар төмөр замын цэрэгжүүлсэн хамгаалалтын албанаас өнөөдөр өглөөний 8 цагт “1000 машины зогсоол”-д авто машины худалдаа хийдэг иргэдийн үйл ажиллагааг хязгаарласан байна.

Учир нь Улаанбаатар төмөр замаас өөрийн эзэмшлийн талбайгаа ашиглах шаардлага гарсанаас тэнд үйл ажиллагаагаа явуулдаг худалдаа эрхлэгчдэд шаардлага тавьжээ. Гэвч машины наймаачид авто худалдааны цогцолбор луу нүүлгэх шийдвэрийг эсэргүүцэж байгаа юм. Өнөөдрийн байдлаар 700 орчим автомашин “1000 машины зогсоол”-д байгаа ажээ.