Өмнөговь аймгийн төвд хатуу хучилттай зам тавьж байна

"Бүтээн байгуулалтын жил"-ийн хүрээнд Өмнөговь аймгийн төв Даланзадгад сумын Гурвансайхан, Хан-Уул, Их уул гэр хороололд авто зам, хатуу хучилттай зам тавих ажил үргэлжилж байна. Энэ зун бороо, үер ус ихтэй байсны улмаас авто замын ажил удааширсан ч эхний ээлжид гэр хороолол дахь замыг энэ сард гүйцээж ашиглалтад оруулна гэдгээ гүйцэтгэгч "Дарданговь" ХХК-ийн хамт олон мэдэгдлээ.

Харин +5 хэмд асфальтан хучилтыг хийдэг стандарттай тул 2019 оны 3 дугаар сард хатуу хучилттай авто замын асфальтан хучилтыг хийж дуусах аж.