Өмнөговийн эмнэлэг мобайл технологитой болно

Өмнөговь аймаг БНСУ-ын дэмжлэгтэйгээр эрүүл мэндийн мобайл технологийг нэвтрүүлэхээр болсон билээ. Иймд дээрх улсын Олон Улсын эрүүл мэндийн сан, Иргэдийн сангийн санхүүжилтээр хэрэгжих төслийн нээлт өнөөдөр боллоо. Тус төслийн хүрээнд тун удахгүй Солонгосын тал өвчний эрт илрүүлэлт, оношилгоо хяналтанд ашиглах мобайл тоног төхөөрөмж, хэрэгсэл, оношлуур, машиныг хүлээлгэн өгөх юм байна. Мөн дээрх тоног төхөөрөмж дээр ажиллах эмч мэргэжилтнүүдийн мэдлэг, ур чадварыг ч дээшлүүлэх аж. Төсөл Манлай, Номгон, Гурвантэс зэрэг алслагдсан бүс нутагт хэрэгжинэ.