“Өндөр гүйцэтгэлтэй баг” сэдэвт сургалт хийлээ

Гадаадын иргэн, харьяатын газар нь албан хаагчдад шинэ мэдлэг өгч, мэдээ мэдээллээр хангах зорилготой “Мэдээллийн цаг” хөтөлбөрийг долоо хоног бүрийн баасан гарагт тогтмол зохион байгуулж байна. Энэ удаад Боомт, орон нутгийн хэлтсээс “Ганабелл” сургалтын төвийн багш Т. Амарсанааг урьж “Өндөр гүйцэтгэлтэй баг” сэдэвт 1 цагийн сургалтыг төвийн албан хаагчдын дунд зохион байгууллаа.

Уг сургалтаар багаар ажиллахын давуу тал, үр дүн, багаар хэрхэн өндөр гүйцэтгэлтэй ажиллаж сурах талаарх сонирхолтой мэдээллийг өгсөн юм. Түүнчлэн багийн ажиллагаанд зохион байгуулалт, тогтолцоот чанар, хамтын удирдлага, багийн дэмжлэг, үнэнч чанар чухал болохыг сургалтын үеэр тодотголоо.