Унгар, Бельги улсаас эх орондоо ирсэн 12 иргэн сургалтад хамрагдаж, мэдээлэл авлаа

Нийслэлийн Хөдөлмөр, халамжийн газар, НҮБ-ын Олон улсын шилжилт хөдөлгөөний байгууллагын Өөрийн хүсэлтээр эх орондоо эргэн ирж, суурьших хөтөлбөрийн баг хамтран гадаад улсаас эх орондоо ирсэн иргэдийн хөдөлмөр эрхлэлтийг дэмжих зорилгоор мэдээлэл, зөвлөгөө өгдөг.

Тус мэдээлэл, зөвлөгөөг Хөдөлмөр эрхлэлтийг дэмжих төвд сар бүр тогтмол зохион байгуулдаг бөгөөд Унгар, Бельги улсаас эх орондоо ирсэн 12 иргэнийг сургалтад хамруулж, хөдөлмөр, нийгмийн асуудлаар мэдээлэл, зөвлөгөө өгчээ.