Өнгөрөгч хавар нэгдүгээр ангид 27 мянга гаруй хүүхэд бүртгүүлжээ

2015-2016 оны хичээлийн жилд шинээр нэгдүгээр ангид элсэн суралцах сурагчдын бүртгэл энэ сарын 25-наас дахин үргэлжилж байна. Өнгөрөгч хавар нийслэлд шинэ сурагчдын 80 хувь нь буюу 27613 хүүхэд бүртгүүлжээ.

Бүртгэлийн үеэр хамран сургах тойрогтой холбоотой маргаан, гэр бүлийн шилжилт хөдөлгөөнтэй холбоотой зөрчил цөөнгүй гарч байгааг Нийслэлийн Боловсролын газрын Бага боловсрол хариуцсан мэргэжилтэн Л.Уртнасан хэллээ.