Өнөөдрөөс сургууль, цэцэрлэгийн дулааныг өгнө

“Улаанбаатар дулааны шугам сүлжээ” ТӨХК-ийн зуны урсгал засварын ажил дуусч, өнөөдрөөс нийслэлийн айл өрх, сургууль, цэцэрлэгийн дулааныг өгнө. Маргааш орой гэхэд дулаанаар хангах ажил бүрэн дуусна гэдгийг албаныхан хэллээ. Гэхдээ Улсын төсвийн хөрөнгө оруулалтаар хийж буй Энхтайваны гүүрнээс Улсын драмын эрдмийн театр хүртэлх шугамын ажил бүрэн дуусаагүй байгаа тул тухайн шугмаас бусад шугамд халаалт өгөхөд бэлэн байгаан байна. Харин аж ахуйн нэгжийн дулааныг төлөвлөгөө ёсоор аравдугаар сарын 01 гэхэд өгнө.