ӨНӨӨДӨР: Жилийн эцсийн санхүү, татварын тайлан бэлтгэхэд дэмжлэг үзүүлэх сургалт зөвлөгөөн болно

Өнөөдөр буюу 2023 оны хоёрдугаар сарын 01-ний өдөр өрнөх зарим үйл явдлын хураангуйг хүргэж байна.

Холидэй Ин зочид буудал

09:00 цагт:Сангийн Яам, Татварын Ерөнхий газар, ММНБИ, аудитын компаниудтай хамтран санхүү, нягтлан бодох бүртгэлийн ажилтнуудад зориулсан “Жилийн эцсийн санхүү, татварын тайлан бэлтгэхэд дэмжлэг үзүүлэх” сургалт зөвлөгөөн зохион байгуулна. Утас: 88086225

“Монгол ньюс” мэдээллийн төв

11:00 цагт: "Монгол Улсын 21 аймгийн өрсөлдөх чадварын тайлан"-гийн үр дүнг Эдийн засгийн бодлого, өрсөлдөх чадварын судалгааны төвөөс танилцуулна.

“Зууны мэдээ” сонины Үндэсний мэдээллийн төв

11:30 цагт: Үндсэн хуулийн шинэчлэлтийн талаар Ерөнхийлөгч, Ерөнхий сайд, УИХ-ын дарга нарт бичиг өргөх, ард иргэдэд уриалга гаргах тухай УЭАТТ намыг байгуулж буй иргэд Хэвлэлийн бага хурал зарлаж байна.

Ардчилсан намын байр

12:00 цагт: УИХ-ын гишүүн Н.Учралын батлуулсан хуулийн талаар УИХ-ын дарга Г.Занданшатарт АН-аас шаардлага хүргүүлж буй талаар мэдээлэл хийнэ. Утас: 99972117, 93113995 /С.Зориг агсны хөшөөтэй/