Нийгэм, эдийн засаг

ӨНӨӨДӨР: Хууль зүйн үнэ төлбөргүй зөвлөгөө өгнө

- Өнөөдөр буюу 2019 оны нэгдүгээр сарын 23-ны өдөр болох зарим үйл явдлын хураангуйг хүргэж байна –

Т.

Т.Болор-Эрдэнэ

Мэдээллийн алба

2019.01.23 · 06:26Уншихад 2 минут

- Өнөөдөр буюу 2019 оны нэгдүгээр сарын 23-ны өдөр болох зарим үйл явдлын хураангуйг хүргэж байна –

Төрийн ордон

09:00 цагт: Төрийн байгуулалтын байнгын хорооны хуралдаан “Их Эзэн Чингис хаан” танхимд болно.

10:00 цагт: Татварын багц хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төсвийн байнгын хорооны ажлын хэсгийн хуралдаан “В” танхимд болно.

11:00 цагт: Хууль зүйн байнгын хорооны хуралдаан “Жанжин Д.Сүхбаатар” танхимд болно.

14:00 цагт: Эдийн засгийн байнгын хорооны хуралдаан “Их Эзэн Чингис хаан” танхимд болно.

Нийслэлийн үйлчилгээний нэгдсэн төв

09:00 цагт: Хууль зүйн үнэ төлбөргүй зөвлөгөө өгөх “Нээлттэй хаалганы өдөрлөг” нийслэлийн үйлчилгээний нэгдсэн төвийн “Драгон”, “Мишээл экспо”, “Дүнжингарав”, зургаан буудлын “Оргил” худалдааны төвийн салбарт болно.

Хууль зүйн үндэсний хүрээлэн

09:00 цагт: Засгийн газраас баталсан "Бүх нийтийн эрх зүйн боловсролыг дээшлүүлэх үндэсний хөтөлбөр"-ийг хэрэгжүүлэх ажлын хүрээнд "Эрх зүйн хөтөч" бэлтгэх эхний ээлжийн сургалт болно. Сургалтанд 21 аймгийн 100 гаруй төлөөлөгч хамрагдана.

Үндсэн хуулийн цэц

09:30 цагт: Үндсэн хуулийн цэцийн Их суудлын хуралдаанаар Шүүхийн шийдвэр гүйцэтгэх тухай хуулийн зарим заалт Үндсэн хууль зөрчсөн эсэх асуудлыг хэлэлцэнэ.

Улаанбаатар зочид буудал

09:30 цагт: "Хүрээлэн байгаа орчны эсрэг гэмт хэрэг, зөрчлийн нэгдсэн мэдээллийн сан байгуулах боломж” сэдэвт хэлэлцүүлгийг ХЗДХЯ, МУГХУСАЗЗ-ийн ажлын алба, Дэлхийн байгаль хамгаалах сан (WWF)-гийн Монгол дахь хөтөлбөрийн газар хамтран “Хархорин” хурлын танхимд зохион байгуулна.

MN-Мэдээллийн төв

11:00 цагт: Зэвсэгт хүчний Жанжин штабаас хэвлэлийн бага хурал зохион байгуулна.

12:00 цагт: Эдийн засгийн бодлого, өрсөлдөх чадварын судалгааны төвөөс долоо дахь жилдээ тодорхойлж буn Аймгуудын өрсөлдөх чадварын үр дүнг танилцуулна.

Үндэсний мэдээллийн төв

11:30 цагт: "Бид уучлахгүй хөдөлгөөн" хуулийн этгээд болж үүсгэн байгуулагдсантай холбогдуулан "Авлига, албан тушаалын хэргийг шийдэх шийдэл" сэдвээр мэдээлэл хийнэ. Утас: 88100660 98121298

МҮЭХ

11:00 цагт: УИХ, Засгийн газарт МҮЭ-ийн холбоо болон Мэргэжил үйлдвэрлэлийн салбарын холбоод, 21 аймгийн ҮЭ-ийн холбоо, Нийслэлийн ҮЭ-ийн холбоодоос нэгдсэн санал, шаардлага тавьж байгаа талаараа хэвлэлийн бага хурал хийнэ. Утас: 99027019 88007709

Хангарди ордон

11:40 цагт: Нийслэлийн Гэмт хэргээс урьдчилан сэргийлэх ажлыг зохицуулах зөвлөлөөс Монголын өмгөөлөгчдийн холбоотой хамтран ажиллах санамж байгуулна. Утас: 86048200, 99268461