ӨНӨӨДӨР: "Монгол эрдэнэ-2023" нэгдсэн тоглолт болно

Өнөөдөр буюу 2023 оны тавдугаар сарын 02-ны Мягмар гарагт өрнөх зарим үйл явдлын хураангуйг хүргэж байна.

Налайх дүүрэг

11:30 цагт: Налайх дүүрэгт 50 хүүхдийн хүчин чадалтай цэцэрлэгийн барилгын нээлт болно. Тус цэцэрлэгийн барилгын ажлыг Турк улсын олон улсын хамтын ажиллагааны байгууллага (ТИКА)-ын зүгээс сургуулийн өмнөх боловсролын үйлчилгээний хүртээмжийг нэмэгдүүлэх зорилгоор санхүүжүүлсэн байна. Утас: 91555564

“Чингис хаан”-ы музей

11:40 цагт: Үндэсний бичиг үсгийн баярын нээлт болж, “Монгол үндэстэн” үзэсгэлэн нээгдэнэ.

Хууль зүйн Үндэсний хүрээлэнгийн байр

12:00 цагт:Хэвлэлийн эрх чөлөөний өдрийг тохиолдуулан Монголын Сэтгүүлчдийн Нэгдсэн эвлэлээс салбарын шагнал, гишүүний үнэмлэх, энгэрийн тэмдэг гардуулах үйл ажиллагаа болно.

БГД-ийн Жижиг, дунд үйлдвэрлэлийг дэмжих төв

15:30 цагт: Туркийн хамтын ажиллагааны ТИКА байгууллага усалгааны болон агааржуулалтын системтэй өвлийн хүлэмж барьж байгуулсныг танилцуулна.

Соёлын төв өргөө

18:00 цагт: Монгол Улсын Соёл Урлагийн Их Сургуулийн сургалт, эрдэм шинжилгээ, уран бүтээлийн "Монгол эрдэнэ-2023" нэгдсэн тоглолт болно.