Уран барималч Ө.Бүрэнжаргалын “Цахирмаа” бие даасан үзэсгэлэн дэлгэгдлээ

Уран барималч Өлзийбаярын Бүрэнжаргалын “Цахирмаа” бие даасан үзэсгэлэн Соёлын яамны галерейд 2023 оны 03 дугаар сарын 10-ны өдөр хүртэл үзэгчдийн хүртээл болж байна.

Ө.Бүрэнжаргал мод, чулуу, төмөр болон холимог техник ашиглан бүтээсэн уран баримлын бүтээлүүдээрээ дамжуулан Эх орон, эрх чөлөөгөө хайрлах, Өвөг дээдэс, өв соёлоо хайрлах, Гэр бүл, амраг хосоо хайрлах, Өөрийн болон өрөөлийн мөрөөдөл, хүсэл тэмүүллийг хайрлах, бүхий л харилцаа хэмжээ хязгаарыг давахгүйгээр бие биеэ харилцан хүндлэн энэ хорвоо дээр оршихуйн тухайд харуулахыг зорьжээ.