Өрхийн эмнэлгүүдэд шаардлагатай тоног төхөөрөмжийг шийдэж өглөө

Өмнөговь аймгийн Засаг даргын "Бид хамтдаа" үйл ажиллагааны хөтөлбөрт эрүүл мэндийн анхан шатны үйлчилгээний чанар, хүртээмжийг сайжруулна гэж тусгасан.

Энэ зорилтын хүрээнд Даланзадгадын "Шим билэг", "Энхийн хүслэн", "Өнө-Орших" зэрэг өрхийн эрүүл мэндийн төвүүдэд 43 ширхэг, 50 сая төгрөгийн тоног төхөөрөмжийг шийдэж өглөө.

Тодруулбал, шарлагын аппарат, нярайн шарлагын аппарат, ургийн зүрхний цохилтын аппарат, өндөр жин хэмжигч, ариутгалын аппарат, зөөврийн компьютер зэрэг багтсан байна.