Өрхийн эрүүл мэндийн төвүүд шинэ машинтай боллоо

Хэнтий аймгийн орон нутгийн хөгжлийн сангаас Хэрлэн сумын “Ач манал”, “Оюуны шим”, “Хэрлэн дом” зэрэг өрхийн эрүүл мэндийн төвүүдэд шинэ авто машин олголоо.

Шинэ авто машин хүлээлгэн өгөх арга хэмжээнд аймгийн Засаг дарга Ж.Оюунбаатар, Хэрлэн сумын Засаг дарга бөгөөд Чингис хотын захирагч Н.Базарханд, Эрүүл мэндийн газрын дарга Г.Ганболд, “Inception holding” компанийн захирал н.Жавхлантөгс, “Оюуны шим” өрхийн ЭМТ-ийн дарга Г.Цэнд нар оролцлоо.

Өрхийн эрүүл мэндийн төвүүдийн авто машинд 2009 оноос хойш парк шинэчлэл хийгдээгүй байсан байна. Тус бүр нь арван сая төгрөгийн үнэтэй probox маркийн авто машиныг тендерт шалгарсан “Inception holding” компани нийлүүлжээ.