Ус зайлуулах шугам сүлжээний 80 гаруй хувь нь шаардлага хангахгүй байна

"Цагийн хүрд" мэдээллийн хөтөлбөр энэ долоо хоногт "Үер ба дэд бүтэц" сэдвийн хүрээнд цуврал сурвалжилга бэлтгэн хүргэж байна.

Манай улсын тулгамдсан асуудлын нэг бол яах аргагүй авто замын ус зайлуулах шугам сүлжээ. Жил ирэх тусам нийслэл хотод оршин суух иргэд болон барилга байгууламж нэмэгдэж байгаа ч үүнийгээ дагаад үерийн ус зайлуулах шугам сүлжээ хангалттай хийгдэхгүй байна.

Нийслэл хотод 209 км ус зайлуулах шугам сүлжээ байна. Үүнийг хоёр дахин нэмэгдүүлж байж нийслэл хот усанд автах эрсдэлийг бууруулах боломж бүрдэнэ гэдгийг албаныхан хэллээ.