ҮСХ: Мэдээллийн нээлттэй, хүртээмжтэй байдлаараа Зүүн Азийн бүс нутагт I байранд эрэмбэлэгджээ

Олон Улсын "Open Data Watch" байгууллагаас 2 жил тутам дэлхийн 193 орны статистикийн байгууллагын мэдээллийн нээлттэй, хүртээмжтэй байдлыг үнэлдэг.

2022 оны үнэлгээгээр Үндэсний Статистикийн Хороо нь мэдээллийн нээлттэй байдлаараа 92 оноо, хүртээмжтэй байдлаараа 68 оноо авч, Зүүн Азийн бүс нутагт I байр, дэлхийд VIII байранд эрэмбэлэгдэж, 2020 оны үнэлгээнээс 1 шатаар ахилаа гэж Үндэсний Статистикийн Хорооноос мэдээллээ.