Усны хэрэглээг зөв менежментээр ашиглахыг сануулав

Монгол Улсын усны хэрэглээ, нөөцийг одооноос зөв менежментээр ашиглах хэрэгтэйг эрдэмтэд санууллаа. Манай орны нийт усны 10 орчим хувийг газрын гүний цэнгэг ус эзэлдэг. Харин бид усны хэрэглээний 80 хувийг газрын гүнээс авдаг байна. Цаашид ийм замбараагүй ашиглаад байвал Монгол Улс усны хомсдолд орохыг эрдэмтэд олон судалгаагаар харуулжээ. Тиймээс усны салбарын тулгамдсан асуудлыг ирээдүйд хэрхэн шийдвэрлэх талаар холбогдох газрууд өнөөдөр хэлэлцэж байгаа юм. ШУТИС-ийн гидрогеологи тэнхимийн эрхлэгч доктор профессор Н.Батсүх ярьж байна.