Өсвөрийн шатарчид МҮОХ-нд зочлов

Пёнчан - 2018" Өвлийн XXIII олимпийн наадмын нэрэмжит "Дэлхийн өсвөр үеийн оюуны спортын наадам" 01 дүгээр сарын 19-22-ны өдрүүдэд БНСУ-ын Чунчон хотноо зохион байгуулагдсан билээ.

Тус оюуны спортын наадамд нийт 16 орны 320 шатарчид өрсөлдсөнөөс манай өсвөрийн шатарчид 13 алт, 11 мөнгө, 6 хүрэл медаль хүртэж багийн дүнгээр тэргүүн байр эзлэн эх орондоо хүрэлцэн ирсэн байна.

Өнөөдөр Монголын үндэсний олимпийн хорооны Дэд ерөнхийлөгч Ц.Дамдин тус наадамд оролцсон өсвөрийн шатарчид болон Монголын шатрын холбооны удирдлага, албаны хүмүүсийг хүлээн авч баяр хүргэн цаашдын тэмцээнүүддээ илүү их амжилт гаргахыг хүсэн ерөөв.