Өсвөрийн сургагч багш бэлтгэх хөтөлбөрийн нээлт боллоо

Монгол улсын ерөнхийлөгчийн дэмжлэгтэйгээр зохион байгуулдаг өсвөрийн сургагч багш бэлтгэх үндэсний хөтөлбөрийн нээлт төрийн ордонд боллоо. Тав дахь жилдээ зохион байгуулагдаж байгаа тус хөтөлбөр энэ жил дуу хөгжим, сэтгэл судлал, илтгэх урлаг зэрэг 10 гаруй чиглэлээр 333 сургагч багшийг бэлдэх юм.

Хөтөлбөрт хамрагдаж сургагч багш болсон хүүхдүүд олон найз нөхөдтэй болохоос гадна сурсан мэдснээ үе тэнгийн найзууддаа заах эрхтэй болдогоороо давуу талтай гэдгийг зохион байгуулагчид нь онцоллоо. Манай сурвалжлагч Монголын сурагчдын холбооны дэргэдэх Лидер сурагч академийн тэргүүн н.Мандахаас хөтөлбөрийн талаар тодруулсныг одоо хүргэе.